Nuk e ka menduar dy herë Kelly Cruse për t’ju përgjigjur ultimatumit të bashkëshortit të saj: “Zgjidh: me mua apo me macet”. Ka qenë e pamundur ta ndash këtë vajzë nga kafshët e saj, ndaj ka vendosur të braktisë bashkëshortin. 33-vjeçarja nga Devon në Britaninë e Madhe u nda nga bashkëshorti dhe tani jeton me dy fëmijët e saj, macet, një chihuahua dhe një doberman. Ajo shprehet se nuk ka qenë asnjëherë kaq lumtur.
Kelly Cruse është shndërruar në një rritëse dhe trajnuese të Snoëshoës, një racë e veçantë e krijuar mes kryqëzimit të siamezëve dhe american shortair. Pra, bëhet fjalë për një lloj mace të re, e cila përmban tipare nga të dyja racat që vendosen në çiftëzim.
Jetesa për një kohë të gjatë me këto kafshë i ka sjellë disa probleme me shëndetin, por gruaja është e vendosur të mos i lejë kurrë kafshët e saj të dashura.
“Kjo është një lloj jete jo e zakontë, por fëmijët e mi janë shumë të lumtur që jetojnë me qen dhe macet i duan shumë”,- thotë Kelly Cruse, e cila punon edhe si zhvilluese rrjeti me kohë të plotë. Ata që e kanë konsideruar si ‘të çmendur’ u thotë: “Nuk mund ta imagjinoj jetën time pa këto kafshë”./tesheshi.com/
