Xhudo kosovare është pasuruar edhe me dy medalje të arta pasi dy xhudistet, Distria Krasniqi dhe Nora Gjakova kanë triumfuar në turneun Antalya Grand Prix të mbajtur në Turqi.
Xhudistja Krasniqi në finale e mposhti izraeliten, Gili Cohen, në kategorinë deri në 52 kilogramë. Ajo shënoi fitore me dy waza-ari.
Ndërsa xhudistja tjetër, Nora Gjakova rrëmbeu të artën në kategorinë 57 kilogramë, pasi në finale e mposhti izraeliten Timna Nelson Levy. /tesheshi.com/
