Gjatë një intervistte telefonike në edicionin qendror të lajmeve në Vizion Plus, kreu i Diplomacisë shqiptare, Ditmir Bushati, ka sqaruar atë që më së shumti po diskutohet këto orë, vota “kundër” e Palestinës për Kosovën në UNESCO.
Bushati ka shprehur keqardhje për spekullimet, ndërkohë që ka sjellë shembullin e Arabisë Saudite që votoi “pro”.
Ja deklarata e Bushatit:
“E para njëherë, persa i përket çështjes se Palestinës, e kam thëne disa here dhe me vjen keq qe nuk është arritur te kuptohet ne radhe te pare nga ju gazetaret, qe ne kemi votuar qe dy vende qe ne rastin ne fjale kane statusin e vëzhguesit, Selia e Shenjte apo Vatikani dhe Palestina, te kishin mundësi qe flamuri i tyre respektiv te valëvitej ne selinë e OKB edhe kjo është ne konsistence me politiken e jashtme te Shqipërisë, te paktën qe pas viteve ’90 kur Palestina është njohur si shtet dhe nuk është njohur si shtet nga kjo qeveri apo nga ky ministër dhe Shqipëria tradicionalisht persa i përket konfliktit ne Lindjen e Mesme, ka pasur nje qëndrim per një zgjidhje qe respekton 2 shtete, pra Izraelin dhe Palestinën.
Ndërkohe, qëndrimet tona ne UNESCO, persa i përket Palestinës, nuk kane qene ne çdo rast ne mbështetje te Palestinës. Natyrisht a do te mirëprisnim ne një votim pro te Palestinës megjithëse nuk e ka njohur Kosovën, për anëtarësimin e Kosovës ne UNESCO?
Përgjigjja ime do te ishte them se po. Por nuk di se çfarë mund t’i behet nje pyetje Ministrit te Jashtëm te Arabisë Saudite apo Emirateve te Bashkuara Arabe apo vende te tjera, te cilët janë mbështetësit kryesore jo thjesht politik, por edhe ekonomik te Palestinës kur Palestina nuk voton ne sintoni me ta. Prandaj besoj se ne marrëdhëniet ndërkombëtare dhe ne politiken e jashtme, nuk mund te maten shtetet ne çdo rast me votimet qe ato kryejnë.”
/tesheshi.com/
