Skuadra skoceze Celtic është një tjetër klub futbolli që ka vendosur t’i ndihmojë refugjatët që mbërrijnë në Europë, duke u dhuruar të ardhurat që do të mblidhen nga shitja e biletave këtë fundjavë në takimin me skuadrën Dunfermline.
Kampioni i ligës skoceze, Celtic do të jetë mikpritës i ndeshjes miqësore, në të cilën do luajnë legjendat e klubit jeshil dhe atyre të skuadrës Dunfermline në 30-vjetorin e aksionit humanitar “Jock Stein” dhe pikërisht të hollat që do te grumbullohen nga shitja e biletave do t’i dhurohen një organizate që meret me të drejtat e refugjatëve. Në faqen e internetit të skuadrës, ngjarjet e fundit të mbytjes së refugjatëve në det ndërsa tentojnë kapërcimin e Mesdheut, përshkruhet si “tmerruese dhe zemërthyese” dhe shefi ekzekutiv i klubit Peter Lawwell tha se “është në ADN tonë që t’i ndihmojmë njerëzve në nevojë”.
“Duke e parë krizen e refugjatëve në këto ditë, ne ndjejmë se si klub duhet t’i ndihmojmë në cfarëdo mënyre që mundemi” theksoi ai.
Celtic është një skuadër që ndër vite ka krijuar profilin e një klubi që u vjen në ndihmë njerëzve në vështirësi, e kjo ka ndodhur në 130 vjet që prej themelimit të tij. /tesheshi.com/
