Konferenca e Vjenës do të miratojë një financim të rëndësishëm si për Shqipërinë dhe Kosovën gjatë samitit që do të mbahet më 27 gusht.
Burime pranë ambasadës shqiptare në Austri, i thanë tesheshi.com se pritet të miratohet një projekt i përbashkët energjetik mes Shqipërisë dhe Kosovës, si dhe ndërtimi i autostratës së kaltër, që përbën koridorin më të rëndësishëm rrugor mbarëshqiptar pas atij Durrës-Prishtinë.
Siç mësohet, në samit do të jetë present vetë kancelarja gjermane e cila do ti kërkohë Tiranëz zyrtare që brenda këtij viti Shqipëria të spastrojë zyrtarë e korruptuar nga administrat dhe të reformojë në themel sistemin e drejtësisë.
Ndërkaq i pyetur pas lajmeve të transmetuara në lidhje me mënjanimin e Kosovës nga ana e Konferencës së Vjenës, e cila u bë e ditur nga disa media të Prishtinës, ambasadori shqiptar në Vjenë, Roland Bimo, theksoi se “ne së bashku me ambasadorin e Kosovës koordinojmë veprimet tona dhe Kosova do të jetë një pjesëtar i barabartë si shtet Sovran në këtë samit”.
Në samitin e Vjenës përveç kryeministrave të Shqipërisë, Kosovës, Malit të Zi, Serbisë, Kroacisë, Maqedonisë dhe Bosnjë-Hercegovinës do të marrin pjesë edhe kancelarja gjermane, Angela Merkel, Kancelari austriak, Werner Faymann, dhe Kryeministri i Italisë, Metteo Renzi.
/tesheshi.com/
