Ministri I Brendshëm Saimir Tahiri e ka cilësuar prioritet të Qeverisë atë që e cilësoi luftë ndaj radikalizmit fetar. Komentet vijnë nga konferenca e organizuar nga kjo ministri me temë “Radikalizmi fetar dhe ekstremizmi” ku ishin të ftuar edhe përfaqësues të trupit diplomatik dhe të komuniteteve fetare në vend.
Tahiri e percaktoi tolerancën fetare në vend si element kyç kundër ekstremizmit, ndërsa informoi se po ndiqen nga afër personat që dyshohet se mund të marrin pjesë në luftimet në Siri e Irak.
Ambasadorja e Bashkimit Europian, Romana Vlahutin, tha se për një luftë të suksesshme ndaj ekstremizmit fetar kërkohet bashkëpunim nga të gjitha vendet”.
