Një operacion i madh antikorrupsion është ndërmarrë mbrëmë vonë dhe sot paradite në Serbi, ku kanë rënë në pranga 80 zyrtarë dhe biznesmenë.
Ministri i Brendshëm serb, Nebojsha Stefanoviç, doli në një konferencë të jashtëzakonshme për shtyp për të publikuar detajet e operacionit, i cili ndodhi pikërisht pak ditë pas hapjes së negociatave me Bashkimin Europian.
Peshqit më të mëdhenj të arrestuar janë ish-ministri i Tregtisë dhe Turizmit, Slobodan Milosavljeviç, ish-drejtoresha e agjencisë antikorrupsion, Zorana Markoviçdhe biznesmeni Zheljko Zuniç, pronar i “Beohemija”.
Në mesin e të arrestuarve janë dy ministra, zv.ministra, drejtorë të ndërmarrjeve publike, biznesmenë, dhe kryetarëve të komunave aktuale.
Stefanoviç ka refuzuar të japë listën e plotë të të arrestuarve, por përmendi vetëm inicialet e tyre dhe funksionet që ata kanë kryer.
Ministri i Brendshëm tha se do të ketë kallëzim penal kundër 39 prej të prangosurve. Të gjithë u arrestuan me dyshimin se në vitin 2004 kryen disa vepra penale, nga të cilat shteti është dëmtuar nga më shumë se 100 milionë euro.
Stefanoviç theksoi se ata ishin arrestuar për korrupsion në 20 raste të ndryshme. Sipas tij, veprat penale për të cilat akuzohen të arrestuarit janë ato të pastrimit të parave, shpërdorim të detyrës, ryshfet, shpërdorim të prokurimit publik, për veprat penale të korrupsionit në fushën e bujqësisë dhe lëshimin e tokës ndërtimore për qeveritë lokale.
Ndërkohë pritet reagimi i opozitës demokratike pasi shumica e të arrestuarve i përkasin partisë së ish-presidentit Boris Tadiç.
Institucionet ku janë gjetur shkelje janë: bashkia e Beogradit, gjiganti çelikut Smederevo, Drejtoria Kombëtare e Pronave, Dunav Sigurim, Ministria e Bujqësisë, Agjencia për luftën kundër korrupsionit dhe organet e tjera.
Sipas ministrit, qeveria nuk do të ndalet në luftën ndaj korrupsionit. Hetimet janë kryer në kohë të ndryshme, por finalizimi është kryer vitin e kaluar.
Ish ministri Milosavlejvić ka qenë dhe President i Odës ekonomike të Serbisë. Nga viti 2001 deri 2004 ai ishte ministër i Tregtisë, Turizmit në qeverinë e parë demokratike të Republikës së Serbisë. Para emërimit të saj ishte një këshilltar ekonomik i presidentit të Partisë Demokratike, Zoran Xhindjiç.
Zorana Markoviç, ka qenë drejtor i anti-korrupsionit nga viti 2009 deri në vitin 2012 kur Komiteti i Antikorrupsionit e hoqi pasi ishte i pakënaqur me punën e saj.
Zeljko Zunic është pronar i “Beohemija”. Kundër tij, Alpha Bank dhe Vojvodjanska banka ngritur padi penale nga Zyra e prokurorit të Lartë.
Në mesin e të arrestuarve janë Milenko Jezdimiroviç, drejtor i “Sigurimit të Danubit”, nga viti 2009 deri në fund të vitit 2012. /tesheshi.com/
