Media e madhe britanike “Sunday Times” ka kërkuar ndjesë publikisht ndaj një qytetari të Mbretërisë së Bashkuar, të besimit Islam, të cilin në një shkrim para disa kohësh e kishte akuzuar me pa të drejtë si jusftifikues së vrasjeve të kryera nga Al Kaeda.
Bëhet fjalë për Dr Sheikh Haitham al Haddad, një imam i njohur, në Mbretërinë e Bashkuar i cili është pedagog dhe autor tekstesh të njohura jo vetëm teologjike.
Në tekstin e saj, Sunday Times, thekson se “pa të drejtë gazeta ka akuzuar se Haitham al Haddad, një pedagog dhe lector në Mbretërinë e Bashkuar, gjatë një artikulli të tij ka pëprahur vrasjet e bëra me urdhërin e Bin Laden. Kërkojmë falje për akuzat tona si dhe për shqetësimin që i kemi provokuar pasi çdo gjë ishte e gabuar”.
Mirëpo, në fakt kemi të bëjmë me një standard që duhet të zbatohet edhe disa nga mediat tona, gjegjësisht portaleve, të cilët kanë akuzuar shumë njerëz, ndër ta edhe imamë e hoxhallarë, por nuk kanë kërkuar falje kur është vërtetuar se akuzat ndaj personave të cituar nuk janë vërtetuar apo me vendim të formës së prerë kanë dalë që janë të trilluara. /tesheshi.com/
