Shkatërrimi i spitaleve në Gaza ka qenë target i vazhdueshëm i ushtrisë izraelite dhe shkatërrimi i rregullt i tyre ka sjellë mungesën e shërbimit shëndetësor aq të nevojshëm për popullatën civile. Përmasës genocidale njerëzore të shkatërrimeve në Gaza i është shtuar edhe shkatërrimi sistematik i spitaleve civile.
Në një takim të Këshillit të Sigurimit, Dr. Rik Peeperkorn, përfaqësues i Organizatës Botërore të Shëndetësisë (OBSH) për Bregun Perëndimor dhe Gazën, përshkroi me një pamje të zymtë gjendjen në Gaza, duke theksuar se mbi 25 përqind e 105,000 civilëve të plagosur tani përballen me lëndime, që do t’ju ndryshojnë jetën.
“Me ritmin aktual, do të duheshin pesë deri në 10 vjet për të evakuuar të gjithë këta pacientë në gjendje kritike”, paralajmëroi Dr. Peeperkorn, duke vënë në dukje se mbi 12,000 njerëz mbeten në listat e pritjes për trajtim urgjent jashtë vendit.
Vetëm 16 nga 36 spitalet e rajonit mbeten pjesërisht funksionale, kapaciteti i tyre kolektiv është vetëm mbi 1,800 shtretër – krejtësisht i pamjaftueshëm për nevojat e mëdha mjekësore.
Spitali Kamal Adwan, institucioni kryesor i kujdesit shëndetësor në Gazën Veriore, është ndër viktimat e fundit. Një bastisje në dhjetor e la spitalin të dëmtuar rëndë, duke detyruar pacientët kritikë të transferoheshin në Spitalin Indonezian – një tjetër strukturë jofunksionale, që i mungojnë furnizimet thelbësore.
Ndërkohë, Spitali Al-Awda, spitali i fundit funksional në Gazën Veriore, lufton për të ofruar kujdes bazë mes burimeve të pakësuara, armiqësive të vazhdueshme dhe një mungese të pasigurt të aksesit në ilaçet jetësore.
Kamal Adwan është krejtësisht jashtë shërbimit për shkak të sulmeve shkatërruese të ushtrisë izraelite aty pranë dhe Spitali Indonezian u bë i paarritshëm për shkak të pranisë së forcave izraelite përreth tij.
Spitali Al-Awda është ende në funksion, por drejtori i tij i tha BBC-së të mërkurën se ishte “plotësisht nën rrethim”. “Askush nuk mund të largohet dhe ne nuk mund të pranojmë raste nga jashtë spitalit“, tha Dr. Mohammed Salha. Ai shtoi se kishte një dron “që qëllonte në rrethinat e spitalit dhe në zonën e jashtme të spitalit”, duke mos lënë mundësi ndihme.
Spitali Indonezian ka dalë jashtë shërbimit për shkak të pranisë së vazhdueshme ushtarake, që nga 18 maji, duke e bërë atë të paarritshëm nga të dëmtuarit.
Katër spitale kryesore në Gaza (Spitali Kamal Adwan, Spitali Indonezian, Spitali Hamad për Rehabilitim dhe Proteza dhe Spitali Evropian i Gazës) janë detyruar të pezullojnë shërbimet mjekësore javën e kaluar, për shkak të afërsisë së tyre me veprimet luftarake të ushtrisë izraelite ose zonat e evakuimit, si dhe sulmet e ndryshme. OBSH-ja ka regjistruar 28 sulme ndaj kujdesit shëndetësor në Gaza gjatë kësaj periudhe dhe 697 sulme që nga tetori 2023.
Roald A. Hysa – /tesheshi.com/
