Auto Dak
Auto Dak
Auto Dak

Shkencëtarët i përgjigjen pyetjes: a shkakton vaksina mutacione të virusit?

Funksionet e sakta të mutacionit Delta nuk janë hetuar shkencërisht deri më tani. Deri më tani, dihet që ky mutacion lejon që virusi të lidhet më lehtë me qelizat njerëzore dhe të shmangë disa reaksione imune, thotë Dipti Gardasani, profesioni i të cilit është epidemiologjia klinike, dhe punon në Universitetin Queen Mary në Londër.

Dhe Peggy Rize nga Qendra Helmholtz për Kërkime Infektive në Braunschweig thotë se lloji Delta çon në një ngarkesë më të lartë të virusit, shkruan Deutsche Welle.

Çfarë është “ikja nga imuniteti”?

Kur një virus shndërrohet në një variant që është më rezistent ndaj antitrupave të shkaktuar nga një sëmundje ose vaksinë e mëparshme, atëherë flitet për “evazion imunitar” ose “ikje nga imuniteti”. Në këtë mënyrë, njerëzit mund të infektohen dhe madje të sëmuren pavarësisht nga një vaksinë ose një sëmundje e kaluar.

 A është Delta e tillë?

Delta është më ngjitës por gjithashtu ka veti “evazion imunitar”.

“Mutacioni zvogëlon efektivitetin e disa antitrupave dhe kështu aftësinë e sistemit imunitar për të njohur sëmundjen,” thotë imunologu Georg Berens, profesor në Shkollën Mjekësore në Hanover. “Por nuk është evazion i vërtetë imunitar akoma”, shton Peggy Rize.

E gjithë kjo do të thotë që mutacioni nuk është aq i fortë sa vaksinat ekzistuese do të ishin të padobishme. Përkundrazi, hulumtimet tregojnë se lloji delta është disi më rezistent ndaj vaksinave, por që vaksinimi i plotë siguron mbrojtje jashtëzakonisht të fortë kundër këtij varianti.

A shkakton vaksina mutacione të virusit?

Virologu Friedemann Weber nga Universiteti i Giessen thotë se mutacionet nuk mundësohen nga njerëz të vaksinuar, por nga ë pavaksinuar.

“Ishte tek njerëzit e infektuar që u krijua një shtresë e re si ‘ikje nga imuniteti’.”

Ky ekspert gjerman tregon përvojat në Indi, Brazil dhe Afrikën e Jugut, ku ndodhën mutacione aktuale, pasi përqindja e vaksinuarve ishte jashtëzakonisht e ulët.

Virusi ishte shumë i përhapur në kohën e mutacionit. Sipas Weber, virusi përdor sistemin e dobësuar të mbrojtjes së trupit për t’u përshtatur.

Për më tepër, nëse teza se vaksinat shkaktojnë mutacione është e saktë, atëherë lloje të reja të virusit do të duhej të shfaqeshin në vendet që kanë një numër të madh të vaksinuarish, për shembull, në Izrael.

“Ky nuk është aspak rasti. Mutacionet në virus ndodhin në vendet ku nuk ka ende një përqindje të lartë të njerëzve të vaksinuar dhe ku ka shumë njerëz në një zonë të vogël,” shpjegon Peggy Rize.

George Berens thotë se teorikisht ekziston një mundësi që vaksinat të ushtrojnë presion imunitar ndaj virusit dhe se ai pastaj përpiqet të shmangë presionin me mutacione. Ai shton se virusi aktualisht prek vetëm një popullsi pjesërisht të vaksinuar, kështu që disa kanë një përgjigje imune dhe të tjerët jo.

“Kjo është ajo që i pëlqen virusit, ndaj mund të formohen lloje të tjera. Kështu trajnohet virusi”, thotë Behrens.

Në përgjithësi, vaksina rrallë mund të çojë në mutacione dhe të promovojë përhapjen e një lloji të ri. Mutacionet e rrezikshme ka shumë më shumë të ngjarë të ndodhin atje ku virusi mund të përhapet pa pengesa dhe shpejt.

Pra, a janë vaksinat shkaku i llojit Delta?

Përjashtohet që lloji Delta të jetë krijuar në bazë të vaksinave. Konkretisht, ky mutacion u regjistrua në tetor 2020 në shtetin federal indian të Maharashtra. Dhe vetëm në janar 2021, qytetarët e parë u vaksinuan në Indi – tre muaj pas shfaqjes së llojit Delta. /tesheshi.com/

auto pjese dak

Related posts