Izraeli sot, siç nazizmi dje, përbën një test jo vetëm për moralin njerëzor por dhe për inteligjencën njerëzore. Dhe siç po vërehet, pavarësisht mësimeve të historisë, ku veçon ajo nga Lufta e Dytë Botërore, me nazistët si turp i saj, nuk mungojnë as amoralët e as trushkulurit, të cilët paçka provave që u jep Izraeli se ç’shtet i fëlliqur e gjakatar që është, se si ka qenë e mbetet belaja më e madhe e botës sot, me mungesën e çdo limiti moral, të gatshëm t’i vënë flakën globit për hir të bindjeve të tyre deri dhe antinjerëzore se vetëm ata meritojnë të quhen njerëz në këtë botë, diç më keq sa dhe nazistët në bindjen e tyre të racës superiore, kategoritë e molepsura prej tyre ngjajnë të jenë hem shejtanë e hem budallenj, ose të dyja bashkë.
Kështu, edhe Halil Matoshi vjen me këtë paradigmë trishtuese mbi degradimin e qënies njerëzore në një shkrim të fundit, fund e krye prej shejtan/budallai, duke nisur që kryekreje me një krahasim katastrofik. E vë Millosheviçin jo në Izrael, aty ku i takon të jetë, por në Iran(!).
“Irani me milicitë e tyne në rajon Hamas e Hezbollah âsht model miloševičian i tiranisë mbi kryeqytetet e Republikave e krahinave të ish-Jugosllavisë, por hiqjani nji serbi si Milošević revolen (armët) ai bâhet njerëzor…”, shkruan katastrofikisht ai.
Pyetja që vjen në këtë rast, e cila duhet të jetë e variantit një shpullë dashamirëse për t’ja hequr idiotizmin nga koka, është: Kush është Bosnja e Kosova në këtë rast?
Pra, ndaj cilit shtet fqinj Irani ka pretendime territoriale, ku me flamurin e mitit të tokës së lashtë iraniane kryen gjenocide mbi popullatë me vrasje, krime, shfarosje e spastrim etnik?! Me atë që po shohim, madje dhe live, këtë po e kryen Izraeli në Gaza, siç e ka kryer në 70 vjet në të gjithë tokën palestineze. Pra, Serbia në kërë rast është në Izrael e jo në Iran. Irani ka kusure të tjera, edhe gjaksore, por jo në paralele me Serbinë. Paralelja me Serbinë gjendet te Izraeli.
Më poshtë, me një gjuhë mllefi ndaj kosovarëve që urrejnë Izraelin, ja ç’idiotizma shkruan Halil Matoshi: “Kosovarët me shumicë, telef nga mènja, e mallkojnë Izraelin, aleatin e deshmuem të tyne”.
Pyetja që vjen për të, po si një shpullë për t’ia larguar idiotizmin nga koka: Si është dëshmuar që Izraeli na qenka “aleati më i dëshmuar i Kosovës”?! Mbi cilat fakte provohet kjo? Fjala vjen, gjatë kohës që Kosova vuante nga serbët, digjej e spastrohej prej tyre, cili ishte qëndrimi i Izraelit? A ishte ky shtet në anën e kosovarëve? Nëse po, ku dëshmohet kjo? Vijmë më pas: çfarë ndihme ka ofruar Izraeli për Kosovën në kushte lirie?! A ishte Izraeli në valën e parë të njohjeve të Kosovës?! Përgjigju Matosh!
E nëse kosovarët shohin një aleat te Izraeli, si duhet gjykuar atëherë ajo pjesë e mirë e elitës shqiptare, në Shqipëri e Kosovë, e cila i pa nazistët si aleatë teksa këta ishin për Shqipërinë etnike?!
Siç e dimë, ata kanë xanxën e kolaboracionistëve, të dënuar pra nga historibërësit këndej e andej kufirit, të konsideruar si të rreshtuar në anën e gabuar të historisë. Që do të thotë se në ditën kur ky Izrael do vihet në bankën e të akuzuarve, siç u vendosën nazistët, gjë që patjetër do të ndodhë, herët a vonë, Matoshët, kudo që ndodhen, në botë a shqiptari, në qofshin ende në jetë turpi do i mbulojë, më e pakta nga të pozicionuarit në anën e gabuar të historisë. Dhe kjo pa qenë as elitar, se fjala vjen, nuk gjendet asgjë e përbashkët mes Halilit dhe Mit’hat Frashërit. /tesheshi.com/
