Kreu i Grupit Parlamentar të Lëvizjes Socialiste për Integrim, Petrit Vasili është shprehur sot në emër të LSI pro kryerjes sa më parë, gjithëpërfshirëse dhe me cilësi sa më të lartë të reformës në drejtësi.
“Vlerësojmë raportimin paraprak të Komisionit të Venecias si dhe mbështetjen e madhe që po i jepet Shqipërisë për reformën në drejtësi, si një reformë e madhe që të gjithë shqiptarët po e presin. Ne e mbështesim një reformë gjithëpërfshirëse dhe konsensuale në drejtësi sipas shembullit të ligjit të dekriminalizimit”,- tha Vasili
Duke shtuar se konsensusi është një sugjerim i rëndësishëm që gjendet edhe në raportin e Komisionit të Venecias Petrit Vasili u shpreh se LSI vlerëson që Komisioni i Venecias është gjykatësi i kësaj reforme.
“Këtë rol nuk mund ta luajë askush tjetër. Profesionalizmi, standardet më të larta dhe transparenca janë parimet e vetme mbi të cilat duhet të mbështetet reforma. Në mbështetje të këtij proces, LSI do të organizojë dëgjesa publike për njohjen me reformën”,- tha ndër të tjera kreu i grupit parlamentar të LSI-së./tesheshi.com/
