“Do ta përdorim mandatin katërt si fuqi vetëkorrigjuese”, u tha kryeministri Edi Rama socialistëve në festën për fitoren e 11 majit, ku kjo forcë politike mori 83 mandate në Kuvend.
Në fjalën e tij kryesocialisti theksoi se sa më shumë të vetëkorrigjohet PS, aq më shumë do përmirësohet Shqipëria, do të përfitojnë shqiptarët, por dhe do garantohet anëtarësimi ynë brenda kësaj dekade.
“Partia nuk është qëllim, por mjet për të luftuar për qëllimet. As fitorja nuk është qëllim, por për të arritur qëllimet duhet të fitosh zgjedhjet.
Fitoret nuk na duhen për të mundur të tjerët. Ky nuk është sport, edhe pse ngjan shumë me sportin, për të përmbushur misionin historik që kemi për të ndryshuar përgjithnjë Shqipërinë”.
“Do ta përdorim mandatin katër si fuqi e madhe vetëkorrigjuese”, tha Rama.
Ai shpotiti rëndë rivalin politik, duke thënë se “jua kemi ne fajin madhështorëve që u mungojnë 200 mijë vota se katër vite më parë, këtë herë i ofruan shqiptarëve për kryeministër një kufomë ambulante me kapelën e Trump dhe i premtuan një magji të madhe si në atë lojën e fëmijëve fluturon-fluturon gomari dhe në fund nuk fluturoi”. /tesheshi.com/
