Xhamia e madhe e Moskës është kthyer tashmë në një evenimet më shumë sesa për komunitetin mysliman të Rusisë, i cili është mjaft numeroz.
Xhamia Qendrore e Moskës do të përurohet më 23 shtator me pjesëmarrjen e presidentëve të Rusisë, Vladimir Putin dhe homologut të tij turk, Recep Tayyp Erdogan.
Në Moskë vazhdojnë punimet për ndërtimin e Xhamisë Qendrore, e cila do të jetë në gjendje t’u shërbejë njëherësh 10 mijë besimtarëve.
Projekti po realizohet nga një firmë turke dhe xhamia do të hapet më 23 shtator, një ditë para festës së Kurban Bajramit. Projekti është realizuar në vendin e xhamisë së vjetër të ndërtuar në vitin 1905.
Pjesëmarrja e Erdogan në ceremoninë e përurimit është bërë e mundur nga një ftesë e posaçme e presidentit rus, i cili synon të japë një mesazh të rëndësishëm të harmonisë fetare në një vend ku perceptimi është se ka një shumicë homogjene ortodokse, por që në fakt nuk është kështu.
Ky eveniment, në fakt është pritur me mjaft seriozitet nga mediat dhe opinioni publik në Rusi. Kurse në Shqipëri, kur Presidenti Erdogan mori pjesë në inagurimin e fillimit të punimeve të Xhamisë së Namazgjasë, çfarë nuk u tha nga një pjesë e opinionit publik, që e ndjente veten të skandalizuar nga një veprim mëse normal dhe në një vend ku shumica e popullsisë i përket besimit mysliman.
Po ja që ka vende që shohin përtej llafeve të kafeneve. Dhe i tillë është dhe Rusia…/tesheshi.com/
