Policia malazeze arreston një grup shqiptarësh nga Kosova që po pushojnë në qytetin e Ulqinit me akuza se kanë hedhur parulla nacionaliste.
Madje veprimi i autoriteteve të Podgoricës ka shkuar deri atje sa pese të rinjtë janë dënuar me 300 euro gjobë dhe iu është vendosur një vulë në pasaportën e tyre.
Gazeta më e rëndësishme e malit të Zi, Vjesti, duke cituar burime policore të Ulqinit, thekson se gjithçka ka ndodhur gjatë një feste, kur shqiptarët e Kosovës kanë hedhur ndonjë fjalë më shumë për serbinë duke përdorir zhargone, të cilat nacionalistët serbë i hedhin me shumicë ndaj shqiptarëve, madje kalojnë më tej.
Siç bëhet e ditur të arrestuarit që jepen me iniciale janë D.D (24 vjec), K.C (22), K.I (31), K.K (26), dhe S.E (24). Ato janë akuzuar për prishje të rendit dhe qetësisë me thirrje nacionaliste si “Ulqini është Kosovë”, “F..ck Serbia” etj. Bashkë me to janë dënuar me nga 150 euro edhe pronarët e objekteve ku këto persona qëndronin, pasi nuk ishin të paraqitur si turistë. Ngjarja ka ndodhur në qendrën e Ulqinit apo siç quhet ndryshe Plazhi i Vogël.
Por vendimi i policisë së Malit të Zi është me dy standarde pasi nuk u dënuan apo penalizuan qytetarët që në stadiumin e Podgoricës hodhën parullat “vritni shqiptarët” gjatë ndeshjes Mlladost-Kukësi, që u shoqërua nga trazira dhe madje edhe me djegien e flamurit shqiptar. E njëta skenë ndodhi edhe në një ndeshje basketbolli ku sërish u djeg flamuri shqiptar por asnjë nga fajtorët nuk u dënua./tesheshi.com/
