Policia e Kosovës ka ndërmarrë një aksion kontrolli në shtëpinë e babait të deputetit të Lëvizjes Vetëvendosje, Alib Kurti.
Aksioni ka nisur sot pasdite, një ditë pas protestave të forta të opozitës kosovare, që kundërshton marrëveshjet me Serbinë dhe demarkacionin me Malin e Zi.
Ndaj Albin Kurtit ka një fletë-arresti të lëshuar nga Gjykata Themelore e Prishtinës. Emri i ish-kreut të VV-së ishte në listën me katër deputetëve që akuzohen për trazirat që shoqëruan seancën parlamentare të së enjtes.
Mes tyre është edhe deputetja Donika Kadaj-Bujupi, e arrestuar mëngjesin e së mërkurës. Ndaj deputetes së AAK-së, Gjykata Themelore e Prishtinës pranoi kërkesën e prokurorisë për 30 ditë paraburgim.
Arrestimi dhe më pas vendimi i gjykatës ngjallën protesta të dhunshme në sheshin Nën Tereza në Prishtinë, ku mbështetësit e opozitës u përleshën për disa orë me policinë. /tesheshi.com/
