Si çdo ditë, e djeshmja pati lajme nga të gjitha fushat, e kryesisht nga politika. Tom Doshi zuri zërish vend kryesor. Po ashtu dhe në Kosovë, ku ekuivalenti i Tomës në Tiranë për momentin, është ministri i Ekonomisë Blerand Stavileci, me deklarimin e tij antiekonomik që mos i bë 7 fëmijë me të ardhura prej 300 eurosh. Por dje pati dhe një lajm gjuhësor, që pakkujt mund t`i interesojë – meqë të gjithë rendin drejt asaj çfarë thuhet e jo si thuhet – ku shqipes iu fut një thënie e re: ‘Mirënjohësisht’, formuluar nga shefi i qeverisë së Tiranës Edi Rama, në një tekst falenderues ndaj Alastair Campbell, mjeshtrit botëror të komunikimit, që e ka përfshirë Ramën në një libër të tij. Rama shkruajti se ndihej mirënjohësisht i surprizuar nga kjo. Ka ndonjë budallallëk në këtë mes? Jo. Ngjan me një hazdisje të tij, teksa bën atë që, siç e shpjegon pofesor Ilmi Rexhepi, krijon një risi gjuhësore duke formuar një ndajfolje prej një emri, apo shprehur sinksorisht, përdorimi rrethanor i një emri duke e ndajfoljizuar.
Gjithsesi, edhe pse pa asnjë peshë të veçantë në zhvillimet e përditshme, ky lloj “lajmi gjuhësor” ngjan më simpatik se çdo produkt tjetër politik i ditës, ardhur sigurisht dhe nga vetë kryeministri. /tesheshi.com/
