Presidenti Francois Hollande i përshkroi sulmet e Parisit si një “akt lufte ndaj Francës”. Në kohë të tilla, politika zakonisht pezullohet. Por, kjo periudhë e ndërmjetme nuk e fsheh faktin që bombardimet dhe shpërthimet do të kenë pasoja shumë të gjera politike. Së pari në krizën e refugjatëve:
Dimension i ri
Autoritetet greke thonë se të paktën një nga autorët e sulmeve mund të ketë kaluar nga ishulli Leros me një grup prej 69 refugjatësh. Personi në fjalë është regjistruar në Greqi ku i janë marrë edhe shenjat e gishtërinjve.
Eshtë herët të dihet nëse pasaporta, me të cilën është regjistruar në Greqi, e që u gjet në skenën e sulmeve, ështrë vërtetë e autorit të sulmeve.
Por ministria e Brendshme serbe, thotë se mbajtësi i pasaportës siriane kaloi nëpër Serbi në 7 tetor dhe kërkoi azil.
Nëse kjo lidhje me sulmet terroriste konfirmohet, atëherë kriza e refugjatëve do të marrë një dimension të ri.
Ky dimension mund të dallohet që tani në Poloni. Ministri i Brendshëm i këtij vendi, ende pa marrë detyrën thotë se “do të pranojnë refugjatë vetëm nëse kemi garanci për sigurinë”.
Sipas skemës së rishpërndarjes së refugjatëve, Polonia duhet të pranojë 4500 të tillë. Kjo është tashmë, nën dyshim.
Një tjetër ministër polak duket në sfidë të hapur me qasjen gjermane të mirëpritjes së refugjatëve, kur thotë se “duhet të jemi të vetëdijshëm se e kishim gabim, ishim shumë naivë dhe idealist”.
Presidenti i Komisionit Europian, Jean-Claude Juncker paralajmëroi kundër asaj që e cilësoi “reagim nga baza” në lidhje me krizën e refugjatëve. Çdo provë që rrugët e refugjatëve janë përdorur nga terroristët, do të ngrejë probleme të mëtejshme për kancelaren gjermane, Angela Merkel. Ajo tashmë sheh se i ka rënë me disa pikë popullariteti në sondazhet kombëtare dhe është vendosur në presion ëpr të mbyllur kufijtë e Gjermanisë, që do të ishte praktikisht një mposhtje politike për të.
Gjatë fundjvaës, ajo e krahasoi krizën me sfidat e ribashkimit të Gjermanisë. Por bashkimi i popullit gjerman është shumë i ndryshëm nga pranimi i ndoshta një million refugjatëve nga kultura të ndryshme.
Kreu i agjencisë së brendshme të inteligjencës në Gjermani, Hans-Georg Maassen, tha se “kemi vënë re se ka afrim specific të islamistëve në qendrat e refugjatëve. Ne jemi në dijemi të më shumë se 100 rasteve”.
Në terma afatshkurtër, Angela Merkel do të qëndrojë fort, duke bërë rezistencë ndaj presionit që po shtohet rreth e rrotull saj.
Ajo e di gjithashtu, se nëse Gjermani mbyll kufijtë e saj, ndikimi do të ndjehet vend pas vendi deri në Ballkanin Perëndimor.
Në një rast të tillë, do të kishte një zmbrapsje të refugjatëve dhe tensionet mes vendeve do të rriteshin në mënyrë të rrezikshme. Kështu, kancelarja gjermane, përkohësisht, do të përpiqet të mbetet në drejtim në krizës ku ajo po sheh, në fakt, se po e humbet kontrollin.
Së dyti, do të ketë ndikim në lëvizjen e lirë të njerëzve që garantohet nga marrëveshja e Shengenit.
Që tani, parimi themelor i marrëveshjes, e cila është parë si një gur I çmuar në kurorën europiane, është në rrezik.
Presidenti i Këshillit Europian, Donald Tusk tha vetëm disa ditë më parë “le të mos kemi dyshime, e ardhmja e Shengenit është në rrezik dhe është koha po mbaron me shpejtësi… ne duhet të rimarrim kontrollin e kufijve të jashtëm”.
Me sulmet e Parisit, gjithçka është bërë më urgjente. Tashmë është konfirmuar një lidhje belge me disa persona të arrestuar në afërsi të Brukselit, e që tashmë po hetohet.
Hetimet do të përcaktojnë gjithashtu edhe mënyrën sesi agresorët dhe armët u lëvizën përgjatë kufijve dhe nëse ekzistenca e kontroleve kufitare do të kishin ndryshuar diçka.
Një numër vendesh, përfshirë Gjermaninë, e kanë pezulluar marrëveshjen e Shengenit.
Franca tashmë ka rivendosur kontrollet e përkohshme kufitare. Vendosmëria për të mbrojtur parimet e Shengenit nuk duhet nënvlerësuar, mirëpo sa më gjatë ta mbajnë vendet rikthimin në kontrolet kufitare apo ndërtimin e gardheve, aq më shumë do të sfidohen parimet e një Europe të hapur.
Së katërti, i ashtuquajturi Shteti Islamik ka ndryshuar qartësisht strategjinë e vet.
Çështje e ndjeshme
ISIS duket I përgatitur të sulmojë secilin vend që bashkohet me koalicionin ushtarak që është ndërtuar kundër tij në Siri dhe në Irak. Përmes operacioneve dramatike, ISIS dëshiron të minojë vullnetin e publikut europian për të përdorur forcën në Siri.
Por, nëse ISIS ka vullnetin të ndërmarrë operacione të mëdha brenda Europës atëherë kontrollet kufitare do të shndërrohen në një çështje tepër të ndjeshme.
Së fundmi, sulmet e Parisit do të ushqejnë ndjesinë e një krizë në Europë, që kufijtë nuk janë të sigurtë në një kohë që konfliktet zjejnë në rajone jo shumë të largëta.
Kancelarja Angela Merkel po provon “shansin” në marërveshjen me Turqinë për ripranimin nga ana e saj të refugjatëve, si mënyrë për të ngadalësuar eksodin e atyre që kërkojnë një jetë të re në Europë e ndoshta edhe për të interceptuar terroristët.
Turqia mbetet e rëndësishme për Europën, sido që të shkojnë marrëdhëniet mes tyre.
Sulmet kanë thelluar ndjesinë e pasigurisë në Europë dhe politikisht e djathta ekstreme do të rritet mbi këtë bazë.
Sidoqoftë, sulmet në Francë e kanë bërë krizën e refugjatëve më komplekse dhe më të vështirë për t’u menxhuar.
Përgatiti: Juli Prifti- /tesheshi.com/
