E vogla Layla Richards dukej se nuk kishte asnjë shpresë. Mjekët nuk besonin se do të mund t’i mbijetonte një forme të tmerrshme leucemie prej së cilës ishte prekur, por në fakt, mrekullia ndodhi me të. E prekur nga tumori që kur ishte tre muajshe, e vogla aktualisht gëzon shëndet të plotë falë një terapie gjenetike së cilës i është nënshtruar, e bazuar në teknikën e ‘rishkrimit’ të ADN-së. Bëhet fjalë për një teknikë shumë të diskutuar mes mjekëve. Vajza është personi i parë në botë mbi të cilën është aplikuar kjo terapi, ndërsa më parë është eksperimentuar vetëm me minjtë.
Tani që është 2 vjeçe, e vogla Layla buzëqesh e lumtur në krahët e nënës dhe të babait të saj, pasi ka dalë nga spitali. Përmirësimi i saj është bërë me dije nga mjekët e spitalit pediatrik në Great Ormond Street të Londrës dhe rasti i saj do të përshkruhet në mbledhjen e ardhshme të Shoqërisë Amerikane të Ematologjisë në Florida.
Terapia gjenetike, e cila ka kuruar Leylan bazohet në një teknikë të editimit të ADN-së, të quajtur Crispr. Bëhet fjalë për një lloj gërshëre natyrale e cila lejon prerjen e ADN-së në pika specifike, duke zëvendësuar një pjesë të saj me kode të tjera gjenetike./tesheshi.com/
