Kryeministri izraelit Benjamin Netanyahu zbuloi disa informacione interesante rreth luftërave të zhvilluara nga regjimi sionist në një intervistë me transmetuesin publik izraelit Kan të enjten në mbrëmje.
Ai nuk e përjashtoi vrasjen e udhëheqësit suprem iranian Ali Khamenei. “Kam lëshuar udhëzime që askush në Iran nuk do të gëzojë imunitet. Nuk është e përshtatshme ose e nevojshme të shtojmë asgjë më shumë. Duhet t’i lëmë veprimet të flasin më shumë se fjalët.”
Lidhur me çështjen e përmbysjes së regjimit iranian, Netanyahu u përgjigj: “Qëllimi kryesor është eliminimi i kërcënimit bërthamor. Së dyti, eliminimi i kërcënimit të raketave balistike. Megjithëse është e qartë se regjimi do të minohet.”
Netanyahu shpjegoi se përmbysja e regjimit iranian “nuk është qëllimi, por mund të jetë një rezultat”, duke theksuar se “varet nga populli iranian”.
Lidhur me kohën e sulmit ndaj Iranit, kryeministri izraelit tha: “Ne e kemi thyer boshtin iranian, Hezbollahu është shembur, (presidenti i rrëzuar sirian Bashar) Assad është rrëzuar dhe Teherani nuk ka asgjë tjetër përveç një kërcënimi bërthamor dhe raketave balistike.”
Ai shtoi se nisja e sulmit ndaj Iranit ishte “një hap historik që duhej të ndërmerrej gjatë qeverisë aktuale. Ne nuk ua lamë brezave të ardhshëm, sepse mund të mos ketë breza të ardhshëm.”
Netanyahu tha se kishte “luftuar për 40 vjet për të eliminuar kërcënimin bërthamor”, duke shtuar: “Në të kaluarën, nuk munda të mbledh forcat e sigurisë ose Mossad-in, për ta thënë butë. Këtë herë, të gjithë erdhën.”
Ai shtoi se Izraeli nuk po priste një “dritë jeshile” nga Shtetet e Bashkuara, por theksoi mbështetjen e administratës së Presidentit të SHBA-së Donald Trump: “Ata po na ndihmojnë jashtëzakonisht shumë në fushën e mbrojtjes, pilotët amerikanë po kapin dronë.”
Netanyahu bëri një koment interesant mbi gjendjen e arabëve sot. Ai tha se gjatë viteve të fundit ata kanë arritur të thyejnë unitetin arab, domethënë, t’i ndajnë arabët.
“Pas themelimit të Izraelit, u përballëm me një botë arabe të bashkuar dhe pastaj gradualisht e ndamë atë. I ndamë arabët që ishin të bashkuar kur u themelua Shteti i Izraelit”, tha Netanyahu. /tesheshi.com/
