Gazmend Bardhi, për momentin zëri me potent i PD-së pas Bashës, në përballje me grupimin e Berishës, e ka cilësuar këtë forcë si “krenari kombëtare. Pra, në kohën e një degradimi për turp, nr. 2 i selisë blu e sheh ndryshe partinë e tij.
Thënë kjo, në një kontekst të luftës së brendshme, me në qendër “betejën e firmave” për Kuvendin Kombëtar.
“Nëse delegatët e Kuvendit kanë nënshkruar për mbledhjen e Kuvendit, zëri i tyre do të dëgjohet. Prandaj përsëris thirrjen time, nxirrini firmat nga kasaforta. Jepini mundësi demokratëve të shprehin në transparencë të plotë vullnetin e tyre.
Ne nuk fshihemi dhe nuk veprojmë në ilegalitet, është krenari e Shqipërisë PD-ja, dhe nuk mund të tallet askush. Rregullat janë zyrtarisht. Do të duhet të dëgjohet zëri i çdo demokrati, qoftë ky edhe zëri i pakicës së pakicës”, Shkruan ndër të tjera Bardhi.
Më herët, kreu i Kuvendit Kombëtar, Edi Paloka, thirri gazetarë në zyrë për t’ju thënë se firmat janë aty, te ai. /tesheshi.com/
