“Stambolli është i yni përgjithmonë”, tha Presidenti turk Erdogan me rastin e 572-vjetorit të rënies së Kostandinopojës nën sundimin Osman, duke theksuar se Turqia e sotme mban gjallë frymën e inovacionit të Sulltan Mehmetit II, i cili ndryshoi filozofinë e luftës në atë kohë dhe çoi në marrjen e kryeqendrës së Bizantit nga osmanët.
“Ai nuk ishte vetëm një komandant dhe politikan i madh ushtarak, por edhe një shkencëtar i shkëlqyer që ishte një pionier në inxhinierinë moderne. Topat që ndërtoi e ndryshuan plotësisht filozofinë e luftës së asaj kohe dhe mbetën në histori. Sot, ne e mbajmë gjallë këtë njohuri, këtë frymë inovacioni që e morëm nga paraardhësit tanë në të njëjtën mënyrë dhe ua transmetojmë brezave të ardhshëm. Ne vazhdojmë të ndryshojmë filozofinë e sotme të luftës me avionë pa pilot, nëndetëse pa pilot dhe shumë teknologji të tjera”, tha presidenti turk, ndër të tjera, në një ceremoni të mbajtur në rajonin Beykoz, në anën aziatike të Bosforit.
“Sot është 572-vjetori i Rënies së Kostandinopojës, një nga epopetë më të mëdha të historisë sonë. Më 29 maj 1453, një gjeni i taktikës dhe strategjisë, një komandant fitimtar morri Kostandinopojën së bashku me një ushtri që besoi dhe iu përkushtua qëllimit. Rrethimi 53-ditor përfundoi me një fitore marramendëse nën udhëheqjen e një 21-vjeçari. Allahu qoftë i kënaqur atë dhe me ushtarët e tij”, theksoi Erdogan.
Sipas presidentit turk, “marrja e Kostandinopojës është mbi të gjitha një fitore e dijes, këmbënguljes dhe besimit”. /tesheshi.com/
