Vogëlushja 5 vjeçare Naëlle është duke luftuar në betejën e saj kundër një tumori në veshka, i cili e ka prekur 12 muaj më parë. Mirëpo, ajo nuk është e vetme në këtë luftë pasi pranë saj është i ati. Jonathan Dupré, babai i saj francez nga Neufchâtel-en-Bray, do të mund të ndjekë kemioterapinë e të bijës pas një ‘dhurate’ të papritur’ të bërë nga kolegët e tij të punës: 365 ditë pushime për të qëndruar pranë të bijës, Naëlle
Ka qenë një gjest që Jonathan dhe bashkëshortja e tij Marine vështirë se do ta harrojnë ndonjëherë. Burri, një 31 vjeçar, një vit pas zbulimit të kancerit të së bijës, kishte përfunduar paketën e tij të pushimeve vjetore që i takon me ligj. Si rrjedhojë, ai nuk mund të mungonte më në punë gjatë kohës që e bija do t’i nënshtrohej kemioterapisë.
Kolegët e tij vendosën të shfrytëzonin ligjin Mathys, i cili është adaptuar nga senati francez pas historisë së Christophe Germain, një burrë së cilit kolegët i dhuruan pushimet e tyre për ta lejuar që të ishte i pranishëm në kurimin e të birit Mathys, 10 vjeçar i sëmurë me tumor. Në Francë, punonjësit, si në shtet edhe në provat, mund të vendosin të dhurojnë pushimet e tyre një kolegu, i cili ka një fëmijë të sëmurë./tesheshi.com/
