Evis Kushi, ministre Arsimi, ka vizituar një prej xhamive më të vjetra dhe më të veçanta në Shqipëri, atë të Gjin Aleksit në Delvinë, duke e shoqëruar dhe më një status, thënë pa tepri, tërë mufka.
“Sot vizitova xhaminë e Gjin Aleksit në Delvinë, e vetmja xhami në botë që ka emër të krishterë. E ndërtuar mbi rrënojat e një manastiri bizantin, kjo perlë e arkitekturës, me vlera të rralla të trashëgimisë sonë kulturore, ka në oborrin e saj një xhami, një kishë dhe një teqe, si dëshmia më e gjallë e bashkëjetesës kulturore dhe fetare të shqiptarëve”.
Te fjalia e parë është në rregull; mundet vërtet të jetë xhamia e vetme në bote më emër të krishterë, pornë fjalitë pasuese ia ka futur kot. Nuk ka asnjë të dhënë shkencore të definuar, në bazë të ndonjë studimi specifik, se kjo xhami është ndërtuar mbi rrënojat e një manastiri. Më e rëndë akoma, që aty të qenka dhe një kishë e një teqe, tregues bashkëjetese.
Bashkëjetesa fetare jo domosdo është e bazuar në gërshetim objektesh kulti.
Nëse do kishte dhe kishë aty, ku është prifti, ku është grigja?!
Nëse do kishte teqe, ku është babai e ndjekësit e tij?!
Aty ka vetëm muslimanë që falin namazin në pesë kohët, me një imam që quhet Roland.
Ministrja në fjalë, prej statusit si qeveritare, nuk duhet t’i lejojë vetes delire të tilla që tregojnë injorancë të skajshme, aq më tepër kur drejton një lëmi si arsimi.
Xhamia e Gjin Aleksit është xhami fund e krye, të tjerat që thuhen për të janë pandehma. Është ndër ato xhami që e ka të nevojshëm një studim bazuar në dokumenta të arkivave osmane, për të mundësuar të dhëna konkrete dhe me thagmë shkencore për të, ku të përfshihet dhe pseja e emrit unik që ka. Dhe deri kur të vijë ai moment, nuk ka pse flitet sipas mideve, qoftë nga autoritete shtetërore. /tesheshi.com/
