Nuk ka asnjë gjë më të mirë sesa një filxhan i ngrohtë me kafe në mëngjes. Kafja është për shumë njerëz elementi më i mirë që mund të konsumojnë në mëngjes për t’u nxjerrë gjumin apo për të nisur ditën mbarë. Për shumë të tjerë është shndërruar në një ritual të përditshëm, pa të cilën nuk ngrihen dot nga krevati.
Por kafja është diçka më shumë sesa një aromë dhe shije e mirë për mëngjesin. Tek ajo mund të gjeni edhe shumë përfitime të tjera, veçanërisht tek llumi, që zakonisht e hedhim poshtë. Ja cilat janë 7 përdorimet alternative të llumit të kafes.
Përdoreni si pastrues fytyre
Femrat në përgjithësi shpenzojnë shuma të mëdha me produktet e tyre të bukurisë, e veçanërisht për pastrimin e fytyrës. Përse të mos përdorin llumin e kafes dhe të kursejnë pak? Mjafton të hedhin 1 lugë llum kafeje në kremin e tyre pastrues dhe të fërkojnë fytyrën.
Krijoni vetë një skrab për trupin
Të gjithë duan të shpëtojnë nga celuliti, por të paktë janë ata persona që e dinë se kafeina mund të jetë një eliminues shumë i mirë. Kjo recetë e mrekullueshme mund t’ju ndihmojë të keni një trajtues natyral dhe të sigurt kundër celulitit. Përgatisni këtë skrab për trupin (jo për fytyrën) sipas hapave të mëposhtëm:
Hidhni ¼ filxhan me llum kafe në një enë
Më pas shtoni një sasi të njëjtë me vaj kokosi
Shtoni të njëjtën sasi me sheqer kaf dhe përziejini të gjitha bashkë.
Aplikoni këtë përzierje në zonat ku keni të depozituar celulitin dhe masazhojeni mirë.
Për të ushqyer bimët
Shumë bimë kanë nevojë për plehun e duhur kimik dhe për sasinë e duhur të ujit për të mos u tharë apo për të mos u dëmtuar nga dielli, ndërsa bimë të tjera kanë nevojë për gjëra të tjera. Për shembull, në kopshtin tuaj mund të keni bimë të cilat kanë nevojë për më shumë acid. Të tilla bimëve u bën shumë mirë llumi i kafes. Mjafton të derdhni pak llum rreth rrënjës së bimës. Do të habiteni nga rezultatet.
Përdoreni për heqjen e aromave të këqija
Llumi i kafes mund të përdoret si një eliminues shumë i mirë i aromave në ambientet e mbyllura. Merrni disa qese dhe mbushini ato me llum kafeje apo me disa kokrra kafeje dhe vendosini në vendet që kanë aroma të forta. Këto qese të vogla do të shërbejnë si një pastrues natyral i ajrit si dhe një deodorant për ambientin përreth. Sigurohuni që përpara se ti vendosni në vendet me aromë të pakëndshme, ti vendosni për disa minuta në frigorifer.
Lani duart me llumin e kafes
Nuk ka asnjë lloj larësi duarsh që mund të eliminojë aromën e ushqimeve të ndryshme që ngelin në duar, pasi ju keni gatuar diçka. Disa aroma ngelen gjithmonë, veçanërisht nëse keni gatuar peshk, keni prerë qepë apo hudhër. Llumi i kafes mund t’ju ndihmojë të eliminoni aromat e këtyre ushqimeve. Mjafton të merrni pak nga ky llum pasi të keni mbaruar së konsumuari kafen dhe më pas të lani me të duart. Do të vini re se ato do të jenë më të buta, përveç se pa aromë ushqimi.
Marinues biftekësh
Llumi i kafes mund të përdoret edhe si një marinues shumë i mirë i biftekëve. Mjafton të përzieni përbërësit e mëposhtëm
Sheqer kaf – 1 lugë
Kripë – 1 lugë
Hudhër – 1 thelb
Piper i zi – 1 lugë
Llum kafeje – 1 lugë
Përzieni të gjithë përbërësit. Hidhjani përsipër biftekëve dhe pasi ti vendosni në një enë plastike, lërini për disa orë në frigorifer që të përzien mirë mes tyre, përpara se ti kaloni në zgarë.
Eliminues bakteresh/parazitësh
Llumi i kafes mund të përdoret për të eliminuar parazitët ose bakteret nga çdo ambient në shtëpinë tuaj. Mjafton të spruconi pak llum kafeje në zona të caktuara të shtëpisë ku mendoni se keni parazitë apo baktere dhe do të vini re se ato do të largohen./tesheshi.com/
