Profesori në Universitetin e Prishtinës, Milazim Krasniqi në profilin e tij në Facebook, i cili u ka bërë thirrje liderëve politikë që të mos përdorin gjuhën e urrejtjes dhe as thirrje për dhunë.
“ Liderët politikë dhe institucionalë të vendit tonë nuk duhet të përdorin gjuhën e urrejtjes dhe as thirrje për dhunë, sepse ajo mund të prodhojë dhunë reale. Ata duhet ta kenë para sysh që shtetin tonë të brishtë, tronditja më e vogël mund të afrojë buzë greminës së anarkisë,” ka thënë prof. Krasniqi.
Ai në këtë postim shtron pyetjen: A nuk po e shohin se të gjitha tragjeditë e refugjatëve sirianë, irakienë, afganistanas, libias, somalez, etj., që po i shohim të çmeritur, tharmin e kanë te gjuha e urrejtjes dhe dhuna e aplikuar në luftën e egër për ruajtjen me dhunë të pushtetit dhe marrjen me dhunë të pushtetit.
Nëse liderët nuk duan ta kenë të qartë, për shkak të hesapeve të veta, atëherë qytetarët duhet ta kuptojnë rrezikun e të mos u shkojnë prapa verbërisht, që të mos vuajnë nesër pasojat e dhunës në lëkurën e vet, ka shkruar prof. Krasniqi në FB./tesheshi.com/
