Ka reaguar LSI-ja pas deklaratës së Bashës që kërkoi largimin e Metës, duke përdorur ironinë.
Nënkryetari i LSI-së, Petrit Vasili tha se se çdo kërkesë e opozitës, që do të bëhet në rrugë zyrtare, do të trajtohet me prioritet në Kuvendin e Shqipërisë, ndërkohë që ka shtuar se kreu i Kuvendit, Ilir Meta, e ka tejkaluar me kohë planin e dorëheqjeve dhe se është e drejtë e Bashës apo cilitdo tjetër si ai, që të dorëhiqen.
“Meta e tejkaluar me kohë planin e dorëheqjeve. Është e drejtë e Bashës apo cilitdo tjetër si ai, që të japin ose jo dorëheqjen. Vërtetësia e shpifjeve të tilla – referuar akuzave të kreut të opozitës, – është si vërtetësia e sondazhit të SOROS-it në vitin 2013”, është shprehur Vasili në reagimin e tij. /tesheshi.com/
