Nga Blendi Gashi
Pas futjes në parlament dhe të gazit lotsjelljës, që zëvëndësoi vezët si një formë më ekstreme reaguese nga ana e VV, kriza në politikën kosovare ëshët thelluar akoma dhe më tej.
E vetmja gjë që ende nuk ka ndodhur ende është konfrontimi fizik mes tyre, që shpresohet mos ndodh.
Partitë opozitare janë përbetuar se nuk do të lejojnë që parlamenti të funskionojë derisa kryeministri Isa Mustafa të heq firmën e hedhur në Bruksel për Asociacionin e Komunave me shumicë serbe, por njëkohësisht kundërshtojnë edhe marrëveshjen për Demarkacionin me Malin e Zi.
Por a ka ndonjë forcë politike që mund të përfitojë nga kjo situatë, sigurisht për arsye jo-parimore?
Analistë dhe gazetarë thonë se ëshët partia e ish-kryeministrit Hashim Thaçi ajo që me qëllim e ka krijuar tollovinë në Kuvend, dhe në fund është pikërisht ky subjekt politik që do të përfitojë nga situata e krijuar.
Si fituese shihet dhe ‘Vetëvendosja’, kurse Lidhja Demokratike e Kosovës e kryeministrit Isa Mustafa vlerësohet si partia që do të humbë nga ‘mjegulla’ politike.
Por jashtë politikës interesngushtë, Kosova, populli i saj fiton apo humbet nga kjo politikë e trazuar, ku të gjithë kahjet e zërat pretendojnë se gjithçka ja dedikojnë asaj?
Analisti politik Florim Zeqa, vlerëson se bllokada institucionale nuk mund të shkojë në favor të asnjërës palë, me përjashtim të grupeve të interesit brenda kampit pozitar dhe opozitar. Sipas tij, bllokada është duke u shfrytëzuar maksimalisht nga të dyja kampet për llogaritë e tyre zgjedhore.
“Kur është fjala tek partitë politike, është PDK-ja, ajo që është duke e shfrytëzuar ‘mjegullën’, në Parlament për ta nxjerrur nga loja partnerin e saj qeverisës (LDK-në), pas arritjes së qëllimeve ndërkombëtare mbi finalizimin e marrveshjeve me palën serbe për ‘Zajednicën’, në bisedimet e Brukselit dhe ato të Vjenës me Malin e Zi për Demarkacionin e kufirit. Humbësi më i madh pas kësaj loje do të mbetët Isa Mustafa dhe LDK-ja e këtyre grupeve të interesit, të cilët për pak privilegje pushteti u ngarkuan me etiketën e këtyre marrveshjeve fatkeqe për vendin”, vlerëson ai.
Sipas analistit Zeqa, nga kampi opozitar, është Lëvizja ‘Vetëvendosje’, që ka krijuar kapital të mjaftueshëm për zgjedhjet e jashtëzakonshme, si e vetmja alternativë për të dalur nga kriza artificiale institucionale në Kuvendin e Kosovës. Ai thotë se si edhe herëve të tjera, viktimë sërish do të bien qytetarët e vendit, të cilët do t’i nënshtrohen edhe një herë torturës së një fushate të egër zgjedhore për të sjellur në pushtet prapë një klasë të korruptuar në mungesë të një alternative të re politike.
Analisti tjetër, Islam Krasniqi, mendon se bllokada në Parlamentin e Kosovës shkon në favor të Lëvizjes ‘Vetëvendosje’, derisa parasheh se LDK-ja do të dëmtohet sepse e gjithë barra lidhur me marrëveshjet bie mbi të.
“Nuk bënë të harrojmë sepse humbsi kryesor në ketë rast janë edhe qytëtarët e Kosovës, të cilët kanë mbetur të mbyllur, të izoluar, të mbytur në varfëri. Gjithashtu kjo bllokad tregon brishtësinë që ekziston në Parlamentin e Kosovës ku ka përçarje si ndërmjet mazhorancës ashtu edhe te opozita, gjë që tregon edhe jetëshkurtësinë e kësaj qeverije dhe këtij Parlamenti”, ka deklaruar Krasniqi për ‘Te Sheshi’.
Milaim Zeka, gazetar nga Kosova përmes një shkrimi në Facebook, ka thënë se aktorët kryesorë të tollovisë së bërë nga opozita janë pikërisht, siç i quan ai, ‘strategët’ e Partisë Demokratike të Kosovës, pasi synim i tyre është çuarja e Isa Mustafës në pension. 
“Dihet nga të gjithë, që PDK-ja në situata të krizave të gjitha partitë e tjera i vë në gjumë. Thjesht, sa herë ka kriza dhe tollovi, PDK-ja në fund fiton. Zgjidhja më e mirë do të ishte sikur vendi të mos shkonte në zgjedhje të jashtëzakonshme, pasiqë përveç një shpenzimi marramendës, në skenën politike asgjë nuk do të ndryshonte. Përndryshe, po të mos i konvenonte kjo tollovi PDK-së, ka rregulla dhe masa ligjore kur zhbllokohet Parlamenti”, ka deklaruar Zeka.
/tesheshi.com/
