Javën e ardhshme bëhet votimi për të pranuar ose jo Kosovën në UNESCO, vendim që kundërshtohet fuqishëm nga Serbia dhe disa vende aleate të saj, por që mbështetet nga SHBA, vendet kryesore të BE-së dhe shtetet më të fuqishme të Gjirit Arabik.
Shefi i diplomacisë së Kosovës, Hashim thaçi e ka bërë të ditur protokollin e mbledhjes në një postin në faqen e tij në facbook.
“Në Paris, para pak kohe, Bordi Ekzekutiv i UNESCO-s ka aprovuar agjendën përfundimtare, ku është përfshirë edhe pika për anëtarësimin e Kosovës, e sponsorizuar nga 47 shtete. Është një fitore e vogël procedurale, por e rëndësishme sepse tani mund të përqendrohemi në votimin javën e ardhshme”, thekson Thaçi. /tesheshi.com/
