Tashmë është e sigurtë. Nëse Katalunia pavarësohet nga Spanja, atëherë klubet katalunase nuk do të mund të luajnë në La Liga. Kështu ka konfirmuar Javier Tebas, president i Federatës spanjolle të futbollit. Këto deklarata të presidentit Tebas vijnë pas atyre të Josep Bartomeus i cili ditë më parë deklaroi se skuadra e tij Barcelona do dëshironte të vazhdonte garimin në La Liga.
Pavarësia e Katalunisë është bërë çështje edhe për botën e sportit. Skuadra kampione e Spanjës, Barcelona nuk do të ketë mundësi të mbrojë titullin më, nëse vendi i saj pavarësohet nga Spanja. Kështu të paktën ka deklaruar Javier Tebas, president i Federatës spanjolle të futbollit.
“Skuadrat nga Katalunia nuk do të mund të luajnë në La Liga, sepse nuk e lejojnë ligjet e një vendi”. Megjithatë, Tebas shprehet i bindur se Katalunia nuk do të ndahet kurrë nga Spanja.
Gjithashtu ekziston rreziku që skuadra e Barcelonës të mos ndodhet më në piedestalin më të lartë të futbollit europian, pasi bizneset do të ngurrojnë të investojnë në një ligë që nuk njihet nga UEFA dhe nga FIFA.
Barcelona tashmë ka dhënë përgjigjen e saj, ndiqeni artikullin: http://localhost/tesheshi/barcelona-mund-te-mos-jete-me-pjese-e-kampionatit-spanjoll/
Por, gjithçka do të varet nga politika që do zhvillojnë katalunasit në rast të ndarjes apo qëndrimit me shtetin spanjoll.
/tesheshi.com/
