Kanë nisur punimet për rinovimin e Urës së Ibrit me nismën e Bashkimit Europian në Mitrovicë por barrigadat që ndajnë qytetin apo siç quhen “Parku i Paqes” nuk largohe nga vendi i tij.
Punimet për renovimin e Urës së Ibrit kanë filluar pak para orës 16:00, kur kontraktuesit e Bashkimit Evropian, kanë mbyllur të dy anët e urës me barriera metalike duke futur tërë urën nën rrethim.
Ndërsa barrikada ‘Parku i Paqes’, ka mbetur e pa prekur dhe qytetarë të shumë si në veri ashtu edhe në jug, kanë shikuar me kuriozitet këtë spektakël.
Fillimin e punimeve për rinovimin e urës më problematike në Evropë nuk e ka përcjell asnjë zyrtar ndërkombëtar apo vendor me përjashtim të Kryetarit të Komunës Jugorë të Mitrovicës Agim Bahtiri.
Bahtiri ka theksuar se lëvizja e lirë e qytetarëve në të dyja anët e qytetit do të mundësohet në qershor të vitit 2016, ndërsa që punimet filluan tani.
Ai ka shtuar se “qytetarët e Mitrovicës dhe Kosovës duhet të jenë të kënaqur, sepse një urë që ka qenë e mbyllur për 16 vite do të hiqet dhe njerëzit do të mund të lëvizin të lire”.
Premtimi që është dhënë nga BE-ja dhe SHBA-ja po mbahet dhe po realizohet, prandaj edhe serbët duhet të jenë të gëzuar, theksoi ai.
“Pavarësisht shqiptarë apo serbë, të gjithë do të jenë të lirë të lëvizin në këmbë apo me vetura. Edhe serbët duhet të gëzohen sepse kjo nuk bëhet vetëm për shqiptarët, por për të gjithë, pasi që qyteti duhet të bashkohet”, ka thënë Kryetari i Komunës së Mitrovicës Agim Bahtiri.
Goran Rakiç, kryetari i Mitrovicës së Veriut, nuk është parë farë në afërsi të urës, për të cilin Bahtiri ka thënë se është në Beograd.
Ndërsa shumë qytetarë të Mitrovicës, kureshtarë janë shprehur skeptikë me atë që kanë parë me sytë e tyre.
“Kjo punë është vetëm sa për ti hedhur popullit hi syve”, ka thënë Bajram Ibrahimi, banor i Mitrovicës.
‘Kjo barrikadë nuk po u largohet nga këtu, ndërsa që ura po thuret e tëra me këto panele metalike, pra asnjë gjë nuk po bëhet, ka thënë Ibrahimi.
/tesheshi.com/
