Për shkak të një gjesti, UEFA ka pezulluar me dy ndesje futbollistin turk Merih Demiral, heroin e fitores së Turqisë ndaj Austrisë në 1/8 e Evropianit, pasi ai shënoi të dy golat në fitoren 2:1. Por gjatë festimit të tyre, ai bëri me duar një simbol të “Ujqërve gri”, ngjashëm si shqiponja me duar që bëjnë shqiptarët në emër të krenarisë kombëtare.
Ama, në Gjermani përkthehet ndryshe: si një lëvizje e ideologjisë ekstremiste të djathtë.
Kështu, Demiral, i njohur dhe si dhëndër në Kosovë, nuk do të luajë të shtunën kundër Holandës. Por edhe nëse skuadra e tij kalon në gjysmëfinale, ai sërish nuk do të luajë.
Ai do jetë në fushë vetëm nëse Turqia arrin në finalen e Evropianit.
Në reagim, Demiral tha: “Mënyra se si festova ka të bëjë me identitetin tim turk, prandaj e bëra këtë gjest. Pashë njerëz në stadium me të njëjtin gjest. Nuk ka asnjë mesazh të fshehur”.
Madje mbrojtësi i Al Ahlit saudit njoftoi se do ta përsërisë si gjest.
“Të gjithë jemi turq, jam shumë krenare që jam turk. Ky është thelbi i të gjithave. Shpresoj të ketë më shumë mundësi për ta shfaqur sërish këtë gjest”. /tesheshi.com/
