Pasi njoftoi në fillim të muajit se kishte përfunduar me karrierën e tij futbollistike, Gareth Bale njoftoi se do të marrë pjesë në një turne golfi.
Futbollisti i Uellsit, Bale, i cili mbante veshur fanellën e amerikanit Los Angeles, përfundoi karrierën e tij aktive në futboll në moshën 33-vjeçare.
Ai hyri në Instagram për të njoftuar pjesëmarrjen e tij në një event PGA Tour, vetëm dy javë pasi u tërhoq nga futbolli profesionist.
“Jam i lumtur të njoftoj se do të luaj në AT&T Pebble Beach Pro-Am në fillim të muajit të ardhshëm”, shkroi Bale.
Uellsiani, i cili erdhi nga të rinjtë e Southampton-it, bëri emër duke u larguar te Real Madrid në 2013 në një transferim prej 101 milionë euro, pasi kaloi gjashtë sezone në Tottenham.
Bale nuk mundi të luante rregullisht për shkak të lëndimeve afatgjata te Real Madrid, me të cilin fitoi pesë herë titullin e Ligës së Kampionëve. /tesheshi.com/
