Kjo është me të vërtetë një risi. Fjalori i Oxford ka cilësuar si fjalën e këtij viti një emoticon (simbol që shpreh një ndjenjë apo një emocion, i përdorur së tepërmi në rrjetet sociale). Fytyra e cila qan së qeshuri, e përdorur në çatet e mesazheve në të gjithë botën, ka thyer rekord.
Mes të tjerave, ndër fjalët më të përdorura janë edhe refugjat, Brexit (supozimi i mundshëm për daljen e Britanisë së Madhe nga UE), Dark ueb, etj. Arsyeja pse ka ndodhur kështu? “Është reflektimi e etosit, humorit dhe shqetësimeve të vitit 2015”.
Fytyra që qan së qeshuri është ajo më e përdorura në nivel global dhe përfaqëson 20% të të gjitha emoji-ve të dërguara nga britanikët, 17% nga amerikanët./tesheshi.com/
