Me mijëra përdorues të rrjeteve sociale në internet, kanë vendosur të deaktivizojnë profilet e tyre në Facebook apo të ndërrojnë fotografinë e tyre të profilit në të kuqe të ndritshme, me qëllim që të tërheqin vëmendjen e botës në ofenziven siriane në Halepo.
Hashtagu #MakeFacebookRed (Ta ngjyrosim Facebook-un në të kuq) dhe #AleppoIsBurning (Halepi po digjet) përdoren po përdoren për senzibilizuar opionion për ofenziven aktuale të Damaskut, në të cilën kanë humbur jetën më shumë se 250 persona gjatë javës së kaluar, ndërsa numër shumë i madh i familjeve janë detyruar të ikin nga Halepo.
Facebook është vënë nën shënjestër të kritikave ngase nuk ka vendosur kontrollin e sigurisë (Safety Check) për Halepo – një mjet i internetit, i cili është përdorur pas sulmeve të fundit në Paris dhe Bruksel, dhe i cili i ndihmon shfrytëzuesit të njoftojë miqtë e ti që është mirë dhe i sigurtë.
Ky rrjet shoqëror akoma nuk është përgjegjur në pyetjen e Al Jazeera në rast se do t’u vihet në dispozicion ky mjet qytetarëve sirian në të ardhmën apo jo.
‘Krimet e luftës’
Megjithatë, në deklaratën e cila lidhet me kritikat e mëhershme, gjiganti I njohur nga sfera e rrjeteve sociale ka njoftuar se “gjatë krizave të cilat zgjasin, psh gjatë luftës apo epidemisë, Safety Check në formën aktuale është e padobishme për njerëzit, ngase nuk është e qartë pika e fillimit dhe e mbarimit dhe fatkeqësisht është e pamundur të dihet kur dikush është me të vërtetë ‘i sigurtë” në atë situatë.
Opozita siriane ka dënuar sulmet e kryera në Halepo, me ç’rast janë shkatërruar dhe dëmtuar në masë të madhe spitalet dhe vendbanimet, duke treguar se bëhet fjalë për “krime të luftës dhe krime kundër njerëzimit”.
Lufta në Siri, e cila është futur në vitin e gjashtë, ka marrë jetën e afër 400.000 njerëzve dhe ka zhvendosur me miliona njerëzi.
Rundi i ri i bisedimeve do të duhej të mbahet gjatë këtij muaji në Gjenevë të Zvicrës.
Marrë nga Al Jazeera- /tesheshi.com/
Përgatiti: Jeton Zenuni
