Efektet anësore në aparatin tretës janë një nga komplikacionet më të shpeshta te kimioterapisë.
Nausea (të përziera) dhe vomitus (të vjella), mbeten një nga efektet anësore më stresuese te kimioterapisë. Rritja e gamës së kimio-preparateve shton dhe nevojën për përmirësimin e
kontrollit të të vjellave si një problem të rëndësishëm në trajtimin me KT.
Nauzeat dhe të vjella janë shumë të shpeshta tek pacientët që marrin kimioterapi. Nauzea është më e shpeshtë se të
vjellat dhe më e vështirë për ta kontrolluar.
Të vjellat klasifikohen në:
- Të vjella akute të kimioterapisë që përshkruhen si nausea ose të vjella që ndodhin gjatë 24
orëve të para të administrimit të kimioterapisë. Më të shpeshta janë gjatë orës 1- 4 pas Kt.
DTIC, Cisplatin.
- Të vjella të vonshme. Janë të vjella që fillojnë 24 orë pas kemioterapisë sidomos tek pacientë që
marrin cisplatin, adriamycin, carboplatin dhe endoxan.
- Të vjellat anticipatore (psikogjene). Janë të vjella që ndodhin si rrjedhojë e trajtimit jo të
rregullt të bërë në ciklet e mëparshme te kimiterapisë. Shpeshherë të vjellat shpërthejnë vetëm
nga fakti që pacienti paraqitet në spital pa filluar kemioterapinë.
- Të vjella jo të lidhura me kimioterapinë. Pacientë që marrin kimioterapi mund të kenë të
vjella dhe për shkaqe të tjera të ndryshme. Këtu futen të vjellat e shkaktuara nga medikamentet e tjera si: qetësuesit, antibiotikët ose simptomatikët e ndryshëm./tesheshi.com/
