Një ish-oficer i policisë sekrete të Gjermanisë Lindore (Stasi) u dënua me dhjetë vjet burg për vrasjen e një polaku pesëdhjetë vjet më parë, i cili u përpoq të kalonte Murin e Berlinit në Gjermaninë Perëndimore.
Një gjykatë shtetërore e Berlinit e shpalli të hënën ish-oficerin e Stasi-t, Martin Naumann, 80 vjeç, fajtor për vrasjen pasi qëlloi Czeslaw Kukuczka nga një distancë e afërt ndërsa ai u përpoq të arratisej përmes pikës kufitare Friedrichstrasse të Berlinit më 29 mars 1974.
Gjykatësi Bernd Miczajka tha në vendimin e tij se, “nuk ishte një akt i një individi për arsye personale, por i planifikuar dhe ekzekutuar në mënyrë të pamëshirshme nga Stasi”.
Miczajka shtoi se i akuzuari ka qëlluar “në fund të zinxhirit komandues”.
Përpara vendimit, Daniela Munkel, kreu i arkivave të Stasit në Berlin, tha se dënimi do të kishte “rëndësi të madhe simbolike” në përpjekjet e vendit për të shlyer regjimin komunist.
Megjithatë, gjykata nuk pranoi kërkesën e prokurorit publik të Berlinit për të dënuar Naumann me 12 vjet burg.
Agjencia gjermane e lajmeve DPA raportoi se avokati i Naumann, Andrea Liebscher, kërkoi një lirim pasi argumentoi se nuk ishte provuar që klienti qëlloi me armë zjarri.
Policia sekrete gjermane
Sipas hulumtimeve të fundit historike, në ditën e të shtënave fatale, Kukuczka shkoi në ambasadën polake në Berlinin Lindor dhe kërcënoi se do të shpërthente një bombë të rreme nëse nuk i lejohej kalimi në Berlinin Perëndimor.
Zyrtarët e ambasadës e pranuan kërkesën e tij ndërsa paralajmëruan autoritetet e Gjermanisë Lindore për kërcënimin.
Pasi oficerët e Stas-it i dhanë Kukuczkos vizën e daljes, ai u dërgua në vendkalimin e “Pallatit të Lotëve”, ku u qëllua pas shpine nga një distancë e afërt.
Në vend që të dërgohej në një spital aty pranë pas të shtënave, Kukuczka u dërgua në një burg të Stas-it më larg dhe u gjakos për vdekje.
Sipas dokumenteve arkivore, policia sekrete u urdhërua të “bënte të padëmshëm” Kukuczkas, një term i zakonshëm në një dokument të Stas-it për likuidimin e kundërshtarëve politikë.
Hetimet fillestare për vdekjen e tij në vitet 1990 nuk ishin përfundimtare, por çështja u hap më vonë pasi Polonia lëshoi një urdhër arresti evropian për Naumann në 2021.
Më pas, në tetor të vitit të kaluar, ai u akuzua për vrasje.
Sipas shifrave zyrtare të qeverisë, 251 persona janë akuzuar për krime të kryera në emër të Stas-it gjatë viteve 1990.
Megjithatë, dy të tretat e procedurave penale përfunduan me pafajësi ose pa aktgjykim. /tesheshi.com/
