Ndërsa Britania shkrepi pushkën e startit të daljes nga Bashkimi Europian, ish-kryeministri David Cameron mbron vendimin e tij për të thirrur referendumin që përfundoi me votimin pro largimit nga blloku.
“E mendova të drejtë të mbahej referendum, për shkak se kjo çështje kishte helmuar politikën britanike për vite e vite. Referendumi ishte premtuar dhe nuk ishte mbajtur”, tha ish-kryeministri gjatë një vizite në Ukrainë, i cituar nga agjencia e lajmeve France-Presse.
Pasi kishte shenjtëruar angazhimin për mbajtjen e referendumit në manifestin e konservatorëve për zgjedhjet e përgjithshme të vitit 2015, Cameron tha se ai duhej të përmbushte premtimin – pavarësisht se vetë do të bënte fushatë që Britania të qëndronte: “Unë bëra një premtim për të thirrur referendumin, mendoj se ishte gjëja e drejtë”.
Brenda pak orësh nga dalja e rezultatit, ku 17.4 milionë njerëz votuan për t’u larguar nga Bashkimi Europian, një fitore e fushatuese Brexit 52 me 48 për qind- Cameron njoftoi dorëheqjen.
Ai citohet të ketë thënë për këtë ecuri të ngjarjeve se pavarësisht se jo gjithçka shkoi sipas planit, vendimi ishte përfundimtar dhe May me të drejtë po ndërmerr hapin e radhës për të garantuar se po zbatohet vullneti i popullit. /tesheshi.com/
