Pas kryerjes së namazit të Kurban Bajramit, fëmijët palestinezë vizituan varrezat në zonën Nuseirat të Gazës qendrore, e cila mbetet nën bllokadë dhe sulme izraelite.
Pavarësisht kushteve të vështira të jetesës dhe agresionit të vazhdueshëm, edhe banorët e Gazës tentuan të përjetojnë një nga dy festat më të rëndësishme myslimane. Por krejt ndryshe, jo si pjesa tjetër e botës islame. Shumë fëmijë, të shoqëruar nga familjet e tyre, vizituan varret e të dashurve të tyre për t’u lutur për ta.
Situata në Rripin e Gazës mbetet jashtëzakonisht e vështirë, me akses të kufizuar në nevojat themelore, dhe sulmet nga forcat izraelite vazhdojnë edhe gjatë festave fetare, pa kufij moralë.
