Një parashutist në Kinë përjetoi një aventurë gati fatale kur u mor nga erërat dhe u gjend në një lartësi prej 8,000 metrash mbi tokë në një mjedis me temperatura nën zero dhe oksigjen minimal.
Në videon që u publikua në rrjetet sociale, parashutisti Liu Ge duket se ka humbur kontrollin e parashutës së tij disa minuta pasi u ngrit nga një lartësi prej 3,000 metrash në malet Qilian në Kinë.
Për shkak të erërave, parashutisti kinez ishte mbi re, duke u përpjekur të kontrollonte parashutën e tij ndërsa ishte i mbuluar me akull.
“Ndjeja mungesën e oksigjenit dhe duart e mia ishin ngrirë, por vazhdova të komunikoja me ekipin tim”, tha ai për Global Times.
NEW: Chinese paraglider nearly froze to de*th after being pulled 5 miles up into an icy cloud vortex
Liu Ge was paragliding over the Qilian Mountains in northern China when he lost control
"I felt oxygen deficiency and my hands were freezing… But I kept communicating via the… pic.twitter.com/EDczIhTxlh
— Unlimited L's (@unlimited_ls) May 27, 2025
Sipas tij, në lartësinë ku ndodhej, temperatura mund të arrijë deri në -40 gradë Celsius dhe nivelet e oksigjenit mund të bien në nivele të rrezikshme.
Për fat të mirë, ai arriti të mos humbiste ndjenjat në asnjë moment dhe arriti të ulej në mënyrë të sigurt disa minuta më vonë. Megjithatë, fluturimi i tij i rrezikshëm i shkaktoi ngrirje dhe çoi në shtrimin në spital.
Pas publikimit të videos, autoritetet kineze nisën një hetim për fluturimin e Ge, pasi raportet fillestare tregojnë se ai nuk kishte marrë leje për të. /tesheshi.com/
