Mbretëria e Bashkuar duhet të vendosë sanksione ndaj qeverisë izraelite dhe ministrave të saj dhe të ndërmarrë hapa për të “parandaluar dhe ndëshkuar gjenocidin” në Gaza, sipas një letre të nënshkruar nga më shumë se 800 avokatë, profesorë dhe ish-gjyqtarë.
Në një letër të hapur drejtuar Kryeministrit Keir Starmer, ata i bëjnë thirrje qeverisë britanike të marrë masa konkrete për të ndaluar “shkeljet e rënda të së drejtës ndërkombëtare” të kryera nga Izraeli.
“Në Gaza po kryhet gjenocid, ose të paktën, ekziston një rrezik serioz i gjenocidit”, thuhet në letër, duke shtuar se po ndodhin edhe krime lufte, krime kundër njerëzimit dhe shkelje të rënda të së drejtës ndërkombëtare humanitare.
Starmer u thirr të reagonte shpejt sepse “nevojiten veprime urgjente dhe vendimtare për të parandaluar shkatërrimin e popullit palestinez të Gazës”. Letra citon komentet e fundit të ministrit Izraelit të Financave, Bezalel Smotrich, i cili shprehu qëllimin e Izraelit për të “marrë kontrollin e të gjithë territorit të Rripit [të Gazës]” dhe “për të pushtuar, pastruar dhe qëndruar – derisa Hamasi të shkatërrohet”.
Letra, e nënshkruar nga zyrtarë të lartë ligjorë, përfshirë ish-gjyqtarë të Gjykatës së Lartë dhe të Apelit, përmend deklaratën e fundit nga udhëheqësit e Britanisë së Madhe, Francës dhe Kanadasë se vuajtjet në Gaza janë “të patolerueshme” dhe mirëpret treguesin se qeveritë janë të gatshme të ndërmarrin veprime.
Letra gjithashtu i bën thirrje qeverisë së Mbretërisë së Bashkuar që t’u përmbahet detyrimeve të saj themelore ligjore ndërkombëtare dhe “të përdorë të gjitha mjetet e disponueshme për të siguruar një armëpushim të menjëhershëm, pa kushte dhe të përhershëm në Gaza dhe për të siguruar vazhdimin e menjëhershëm, pa kushte dhe pa pengesa të ndihmës” për palestinezët.
Për ta arritur këtë, qeverisë i bëhet thirrje të vendosë sanksione ndaj ministrave izraelitë dhe figurave të tjera civile dhe ushtarake “të dyshuara në mënyrë të arsyeshme për përfshirje në sjellje të paligjshme”, dhe të rishikojë lidhjet ekzistuese tregtare me Izraelin, të vendosë sanksione tregtare dhe të pezullojë planin për një partneritet më të ngushtë Britani-Izrael.
Londra pezulloi negociatat për një marrëveshje të re tregtare me Izraelin javën e kaluar.
Letra gjithashtu i bën thirrje Mbretërisë së Bashkuar të konfirmojë se do të përmbushë detyrimin e saj për të ekzekutuar urdhër-arrestet e lëshuara nga Gjykata Ndërkombëtare Penale në lidhje me veprimet izraelite në Gaza. Kjo gjykatë ka lëshuar urdhër-arreste për kryeministrin Benjamin Netanyahu dhe ish-ministrin e tij të Mbrojtjes, Yoav Gallant, për krime lufte dhe krime kundër njerëzimit në Gaza, ndërsa vendi përballet gjithashtu me një padi për gjenocid në Gjykatën Ndërkombëtare të Drejtësisë për krime lufte kundër popullsisë civile.
“Ne, në Mbretërinë e Bashkuar, nuk mund të presim paqe nëse nuk i përmbushim detyrimet tona sipas ligjit ndërkombëtar”, tha në një deklaratë Sir Alan Moses, një ish-gjyqtar i Gjykatës së Apelit i cili nënshkroi letrën. “Është e kotë që qeveria të thotë se mbështet sundimin e ligjit, nëse nuk bën asgjë për ta treguar këtë.”
“Një botë pa rregulla”
Një tjetër nënshkrues tha se “shkeljet e pamëshirshme të së drejtës ndërkombëtare” nga Izraeli kërcënonin “vetë të ardhmen e vetë së drejtës ndërkombëtare”.
“Imagjinoni një botë pa rregulla: anarki e shfrenuar në botë”, tha në një deklaratë Conor Gearty, profesor i të drejtave të njeriut në Shkollën e Ekonomisë në Londër. “Këta avokatë e dinë se si do të dukej kjo – dhe për shkak se e dinë, janë të dëshpëruar ta shmangin atë.”
Një letër e hapur e mëparshme nga avokatët britanikë vitin e kaluar tha se Mbretëria e Bashkuar po shkelte ligjin ndërkombëtar duke armatosur Izraelin.
Për ironi, Britania e Madhe ishte ndër investitorët kryesorë të shteti i Izraelit mbi tokë paletineze, duke sjelle tragjedi në jetën e një populli. E krijuan shtetin e Izraelit për ta pastruar Europën prej tyre – hebrenjve – duke jua lënë muslimanëve mbi shpinë, me sherrin e tyre . /tesheshi.com/
