Shumë klube prestigjioze europiane kanë zgjedhur të vizitojnë Azinë duke fituar kështu edhe nga financiare, por në këtë formë bëjnë të njohur edhe markën e tyre. Kështu, Arsenalit dhe Evertonit nuk i mjaftojnë të përballen vetëm në Premier Ligë. Dy skuadrat angleze kanë arritur të kualifikohen në finalen e Kupës së Azisë të organizuar në Singapor.
Në këtë duel ka debutuar portieri çek i Arsenalit, Peter Çeh, i cili ka lejuar të pësojë vetëm një gol. Këtë finale “topçinjtë” e Vengerit e fituan 3-1. Ra në sy superforma e dy mesfushorëve Santi Kazorla dhe Mesut Ozil, të cilët shpërthyen në këtë duel para 52 mijë spektatorëve. Përveçse dhuruan spektakël dhe kombinime fantastike, së bashku me Uollkot shënuan tre golat e kësaj fitoreje. Ndërsa Evertoni duket ende jo në formën e duhur për t’u bërë ballë favoritëve të Premier Ligës.
Barklej arriti të shënojë në minutën e 76-të golin e nderit për Evertonin dhe njëkohësisht të fundit të atij të takimi. “Ishte një fitore e merituar. U argëtova shumë në këtë duel. Tifozët ishin shumë të zjarrtë”, tha Ozil. /tesheshi.com/
