Është arrestuar deputetja e AAK-së, Donika Kadaj Bujupi. Ajo është dërguar në në Prokurorinë Themelore të Pallatit të Drejtësisë.
I menjëhershëm ka qenë reagii i AAK-së, parti kjo e cila thotë se deputetja e tyre u arrestua me urdhër të politikës.
“Sot në orët e hershme të mengjesit, forca të mëdha policore kanë arrestuar deputetën e AAK’së, Donika Kadaj, në dalje të shtëpisë së saj.
AAK i bën thirrje organeve të rendit dhe drejtësisë, që të mos shndërrohen në vegla të pushtetit duke zbatuar urdhëra politike të të korruptuarve dhe kriminelëve institucional: Mustafës, Thaçit dhe Veselit.
AAK së bashku me opozitën është e vendosur të mos lejojë kalimin e dy marrëveshjeve: Asociacionin dhe Demarkacionin, përkunder shantazheve të pushtetit të korruptuar dhe kriminal, i cili është vënë në tërësi në funksion kundër interesave të shtetit duke cenuar rendin kushtetues dhe integritetin territorial të Republikës së Kosovës. AAK kërkon lirimin sa më parë të deputetes, Donika Kadaj!”, thuhet në reagimin e AAK-së.
Ndryshe, Gjykata Themelore e Prishtinës dje ka lëshuar fletë arrest edhe ndaj tre deputetëve të VV-së Albin Kurtit, Albulena Haxhiut dhe Faton Topallit, andaj edhe mund të pritet që të ndodh edhe arrestimi i deputetëve të lartcekur.
/tesheshi.com/
