SHBA paralajmërojnë pezullim të vizave dhe ndalesë për të hyrë në territorin e saj, të gjithë ata politikanë, autoritete gjygjësore dhe punonjës të medias në Maqedoni, për të cilët ka të dhëna se janë të përfshirë në korrupsion, larje parash dhe shkelje të të drejtave të njeriut.
Përveç kësaj, këto masa parashikojnë edhe ngrirje të llogarive bankare dhe ndalesë për të menaxhuar ndonjë pronën të cilën këto persona mund ta kënë në Amerikë.
Burime në kushte anonimiteti thonë se masat e lartpërmendura, mund të aplikohen nëse përkeqësohet kriza politike në Maqedoni në nivel të shkeljes të të drejtave themelore të qytetarëve.
SHBA, edhe më herët kanë sanksionuar zyrtarë të Maqedonisë, ndërsa për herë të fundit ishte përpilimi i së ashtuquajturës “Listë e Zezë” në vitin 2005, gjë që solli pezullim vize për ish-kryeministrit Ljupco Georgievski.
Aktualisht, njëmbëdhjetë shtetas të Maqedonisë kanë ndalesë për hyrje në Amerikë, mes të cilëve edhe lideri I PDSH-së Menduh Thaçi./tesheshi.com/
