Zëdhënësi i Ambasadës së SHBA në Tiranë ka deklaruar se duhet menjëherë të shkarkohen gjyqtarët e paaftë dhe të shkojnë në burg të korruptuarit.
Ryan Roberts i ka thënë tv ora news në një intervistë se do të vijnë të tjerë ekspertë të FBI-së për të ndihmuar prokurorinë shqiptare në çështjen CEZ..
A ka një qëndrim ambasadori Lu për reformën në drejtësi? Pasi në disa takime që ka pasur nuk ka bërë prononcim?
Procesi i reformës në drejtësi paraqet 1 shans kritik për Shqipërinë, dhe nëse do të jetë i suksesshëm, mund të përbëjë reformën më të rëndësishme që prej rënies së komunizmit. Në sistemin e drejtësisë ka nga ata që duhen shkarkuar për korrupsion dhe disa duhet të shkojnë në burg. Profesionistët e shumtë shqiptarë të drejtësisë që janë me përvojë, të kualifikuar dhe të ndershëm meritojnë mundësinë për të punuar në një sistem gjyqësor që është i cliruar nga korrupsioni, që është mjaftueshëm i pavarur për t’i rezistuar ndikimit politik dhe që është në gjendje të ndjekë penalisht krimet e rënda.
Ne e njohim nevojën urgjente për këtë reformë dhe vazhdojmë të punojmë me Shqipërinë për të. Kemi shprehur mbështetjen tonë për këtë reformë publikisht dhe në takime me politikanë, ekspert dhe të tjerë aktor në të gjitha nivelet.
Kur pritet të vijnë ekpertet e FBIsë për të cilët kryeminstri ka thënë se është rënë dakord që do asistojnë në hetimin e CEZ?
SHBA do të vazhdojne të mbështesin institucionet ligjzbatuese të Shqipërisë në përpjekje për të ndërtuar kapacitete
dhe efektshmëri. Ambasada ofron këshilla ekspertësh, promovon reforma dhe nxit veprime të prokurorisë kundër korrupsionit. Oficerët e policisë dhe prokurorët shqiptarë janë të vetmit përgjegjës për të drejtuar hetime mbi cështje që ndikojnë popullin shqiptar dhe institucionet e tij.
/tesheshi.com/
