Aleancat surprizë për “Lokalet, në Durrës PS-LSI me Oketën e FRD-së?!

Kryetari i Frymës së Re Demokratike Bamir Topi, duket se po shkon drejt një aleancë të sigurtë me mazhorancën PS-LSI në disa qytete, ku kjo parti është e fortë dhe pritet të marrë rezultate për këshillat bashkiake. Ndërkaq, nga burime brenda mazhorancës mësohet se Bamir Topit i është lënë një qytet i madh ku kjo forcë politike ka akses të gjerë. Zërat e parë janë për Durrësin dhe ish-deputetin e ish-ministrin e Mbrojtjes, Gazmend Oketa.  Gjitçka pritet të zyrtarizohet pas takimeve zyrtare që kreu i FRD-së do të ketë me drejtuesit e mazhorancës qeverisëse, kryesisht me edi Ramën. Por ende mbetet për tu zgjidhur nyja LSI, pasi partia që drejton Ilir Meta ka dëshirë që të kandidojë një figurë të rëndësishme të kësaj partie. Vetë kryetari i Kuvendit deklaroi pak ditë më parë se mazhoranca do të dalë me kandidatë të përbashkët në zgjedhjet locale. (tesheshi.com)