Sulmuesi anësor i Liverpool-it, Luis Diaz, thuhet se i ka vendosur Barcelonës një “afat” për të nënshkruar me të këtë verë, sipas raportimeve, ndërsa partnerja e tij duket se u ka thënë lamtumirë tifozëve.
Liverpool-i fitoi bindshëm titullin e Premier League në fund të prillit, gjë që i dha Arne Slot dhe drejtorit sportiv Richard Hughes një avantazh në përgatitjet për afatin kalimtar të verës. Ata tashmë kanë sjellë Jeremie Frimpong nga Bayer Leverkusen për 29.5 milionë paund, ndërsa Trent Alexander-Arnold po transferohet te Real Madrid.
Shoku i skuadrës së Frimpong te Leverkusen, Florian Ëirtz, është gjithashtu në prag të bashkimit, pasi bisedimet për transferim po ecin në një drejtim pozitiv. Gjithashtu raportohet se mbrojtësi i majtë i Bournemouth, Milos Kerkez, ka arritur tashmë një marrëveshje personale me Liverpool-in.
Për shkak të numrit të madh të mbërritjeve të mundshme, Liverpool ka të ngjarë të duhet të lërë të lirë disa lojtarë aktualë, dhe Diaz konsiderohet një nga ata që mund të largohen nga klubi. Edhe pse trajneri Slot e vlerëson kolumbianin, ka pasur zëra për disa kohë se klubi është gati ta shesë Diaz nëse vjen oferta e duhur.
Barcelona është lidhur me Diaz për muaj të tërë, por situata e tyre financiare mund të përbëjë një pengesë për përmbushjen e kërkesave të Liverpool-it.
Sipas informacioneve të reja nga Spanja, Diaz u ka thënë katalanasve se ata “duhet të bëjnë një lëvizje vendimtare brenda një muaji e gjysmë të ardhshëm”.
Sulmuesi i Liverpool-it dëshiron “qetësi dhe mundësinë për t’u përqendruar plotësisht në përgatitjet për sezonin e ardhshëm, qoftë në Angli apo në Barcelonë”, ndërsa klubi anglez ka vendosur një çmim prej 85 milionë eurosh. /tesheshi.com/
