Parlamenti izraelit (Knesset) votoi herët të enjten për të miratuar një rezolutë që refuzon krijimin e një shteti palestinez.
Rezoluta thekson se një shtet palestinez do të ishte një “kërcënim ekzistencial” për Izraelin.
Propozimi u paraqit nga partia opozitare Shpresa e Re-E Drejta e Bashkuar dhe u mbështet nga disa parti në koalicionin e kryeministrit Benjamin Netanyahu dhe Partisë së Unitetit Kombëtar të udhëhequr nga ish-ministri i kabinetit të luftës Benny Gantz.
Anëtarët e partisë Yesh Atid të liderit të opozitës Yair Lapid u larguan nga dhoma e Knesset për të shmangur mbështetjen e mocionit, të cilin anëtarët arabë të Knesset e votuan kundër.
Propozimi pretendon se krijimi i një shteti palestinez “në zemër të Izraelit” do të përfaqësonte “një kërcënim ekzistencial për shtetin e Izraelit dhe qytetarët e tij”.
Palestinezët nuk kanë komentuar ende votimin e Knesset.
Votimi u mbajt pak ditë para vizitës së Netanyahut në Uashington, ku ai do të takohet me presidentin amerikan Joe Biden dhe do t’i drejtohet Kongresit.
Palestinezët aspirojnë të krijojnë një shtet të pavarur në Rripin e Gazës dhe Bregun Perëndimor me kryeqytet Al-Quds/Jerusalemin Lindor.
