Zbulohet lulja e rrallë mishngrënëse në Rrajcë

Një lule e rrallë mishngrënëse është identifikuar në pyllin e Rrajcës. Lulja është e njohur me emrin shkencor Pinguinkula është një varietet i rrallë që haset në Shqipëri. Saktësisht ajo gjendet në “laboratorin” natyror në pyllin e Rrajcës.

Fotot tregojnë se si lulja ka kapur në kurth insekte të ndryshme dhe i ka tretur me një lloj lëngu viskoz që lëshon.

Pastaj ajo asimilon proteinat dhe gjithçka të nevojshme për rritjen e saj.

Lulja në vetvete është e vogël dhe ka petale me ngjyrë të bardhë. Insektet “bien në kurth” pasi ata janë të tërhequr pas nektarit të saj. Por sapo prekin lulet gjethet e saj mblidhen dhe lëshojnë një lëng viskoz.

Pylli i Rrajcës u shpall së fundmi nga UNESCO pjesë e trashëgimisë botërore natyrore. Në këtë pyll gjithçka është e virgjër dhe ecën sipas ciklit biologjik natyror./tesheshi.com/

Related posts