Auto Dak
Auto Dak

Vuçiq: mos më pyesni si i furnizova serbët e Veriut

Presidenti i Serbisë, Aleksandar Vuçiq tha se ai e kreu “një pjesë të mirë të punës”, lidhur me furnizimin e serbëve të Kosovës me të mira materiale, së paku për muajin e ardhshëm.

“Ia arritëm të sigurojmë një pjesë të mirë të gjërave themelore, por si e bëmë këtë, nuk do të flas”, i tha Vuçiq, Radio Televizionit të Serbisë.

I pyetur për zgjidhjen e problemit të Kosovës, ai tha se kjo pyetje është mbi të gjitha “për shqiptarët dhe serbët”.

“Nëse do të na kishin lënë të qetë, me siguri se deri më tani do të kishim rënë dakord. Por, problemi është se Kosova nuk është një pyetje e ish-Jugosllavisë, kurrë nuk ka qenë një çështje e popujve që jetojnë atje”, tha Vuçiq.

Që nga nëntori i vitit të kaluar, Qeveria e Kosovës ka vendosur tarifën ndaj mallrave serbe, duke nxitur reagimin e Beogradit, dhe pezullimin nga ana e tij, të pjesëmarrjes në bisedimet për normalizimin e raporteve, që po zhvilloheshin me lehtësimin e Bashkimit Evropian.

Ditë më parë, afaristët në veri të Kosovës, i mbyllën për një periudhë dyditore të gjitha dyqanet, duke thënë se nuk kanë furnizim me mallra nga Serbia për shkak të tarifës 100% të vendosur nga qeveria e Ramush Haradinaj. /tesheshi.com/

 

auto pjese dak

Related posts